Үүнэ-сайда тур, Сахам сирэ!

Ханнык да кэмҥэ, ханна да сылдьан

Киэн тутун, эн саха буоларгынан!

                      (Саха норуодунай поэта И. Мигалкин)

 

Быйыл 2022 сылга төрөөбүт Сахабыт Өрөспүүбүлэкэтэ 100 сыллаах өрөгөйдөөх үбүлүөйүн бэлиэтиибит. Муус устар 27 күнэ саха норуотун историятыгар ураты суолталаах бэлиэ күн буолар. Ол курдук, 1922 сыллаахха бу күн саха норуотун чулуу уолаттара Былатыан Ойуунускай, Максим Аммосов, Исидор Барахов, Степан Васильев уо.д.а Саха сиригэр автономия  киирэрин ситиспиттэрэ. Ол саха омуга сайдыытыгар улахан төһүү күүс, бигэ тирэх буолбута. 1922 сыллаахха муус устар 27 күнүгэр - Саха Автономнай Советскай Социалистическай республиката төрүттэммитэ, сурукка, докумуоҥҥа киирбитэ. Кэлин суверенитет туһунан декларацияны ыламмыт, сувереннай республикабыт хаттаан саҥа Конституцияламмыта. Ол кэмтэн ыла саха олоҕор уларыйыы киирбитэ. Кырдьык даҕаны, бу Саха сирин биир улахан историята буолар. Саха чулуу дьоно сыралаах үлэлэрин, күүстээх туруорсууларын түмүгэр Саха Автономията баар буолбута. Саха омук өйө-санаата, тыла-өһө, култуурата, судаарыстыбаннай тирэхтэрэ барыта бу 1922 сыллаахха улахан хамсааһын быһыытынан үөскээбитэ. Саха Өрөспүүбүлүкэтин судаарыстыбаннаһа тэриллибитэ бүгүҥҥү күҥҥэ хас биирдиибитигэр сүҥкэн суолталаах.

 

Күндү биир дойдулаахтарбыт, барыгытын Саха АССР төрүттэммитэ 100 сылынан, Өрөспүүбүлүкэбит күнүнэн ис сүрэхтэн эҕэрдэлээн туран куйаар ситимин нөҥүө ыытыллар викторинаҕа көхтөөхтүк кыттаргытыгар ыҥырабыт.

 

Викторинаҕа кыттарга сүбэ

Викторина республика историятын сырдатар тэттик 15 ыйытыктан турар. Хас биирдии ыйытыыга биир сөптөөх эппиэти тал, бэйэҕин тургутан көр. Түмүккэ ааккын-суолгун суруйаргын умнума (сыһыарыы түһүккэ суруй, холобур: Иванов Иван Ивановичка) уонна галочканы баттаа. Виктринаҕа кыттыбыккын туоһулуур анал сертификаты хачайдаан ыл. 

Количество вопросов в тесте: 15
 
Powered by Online Test Pad