ТӨРӨӨБҮТ ТЫЛ УОННА СУРУК -БИЧИК КҮНЭ

Төрөөбүт сахабыт тылын сайыннарыыга – чинчийиигэ олоҕун анаабыт, саха алфавитын төрүттээбит, бастакы лингвист Семен Андреевич Новгородов төрөөбүт күнүгэр түбэһиннэрэн, олунньу 13 күнэ  Төрөөбүт тыл уонна сурук – бичик күнүнэн бэлиэтэнэр. Бу дьаһал Саха Республикатын бастакы президиэнэ Михаил Ефимович Николаев ыйааҕынан 1996 сылаахха олохтоммута. Бу кэрэ бэлиэ күҥҥэ анаан, Уус Алдан улууһун кииннэммит библиотека тиһигэ  Сергей Степанович Васильев – Борогонскай аатынан киин библиотека онлайн викторинаҕа кыттаргытыгар ыҥырар.