Мая радзіма – Пухавіцкі край!

Родныя мясціны Пухавіцкага краю! Колькі ў Беларусі такіх прыгожых мясцін? На гэта пытанне нельга адразу знайсці адказ. Лясы, азёры, рэкі, балоты —  гэта наша багацце, наша непаўторная сувязь з прыродай, часткай якой з’яўляемся і мы. Як добра, сядзеўшы на беразе Свіслачы ці Пцічы, падумаць пра жыццё, паслухаць спеў птушак, палюбавацца роднымі краявідамі. Вунь, удалечыні лес, шырокі, дрымучы, багаты на грыбы і ягады,усё тое ж шырокае блакітнае возера, ў якім з дзяцінства плёскаецца рыба. Патрэбна нямала часу, каб аб’ездзіць усю Пухавіччыну і ўбачыць усе яе прыгажосці. Празрыстасць рэк і азёр захапляе, такую прыгажосць трэба зберагчы для нашчадкаў, нашчадкі павінны зберагчы яе для сваіх нашчадкаў, бо кроў нашых дзядоў і прадзедаў пралівалася для таго, каб зберагчы Беларусь незалежнай, каб рэкі і азёры не асушылі, а лясы не вырубілі.