"Родная мова"

Яшчэ Францішак Багушэвіч заклікаў нас: “Не пакідайце ж мовы нашай беларускай, каб ня ўмёрлі…”. Прайшло больш за 100 гадоў, а гэты заклік і да сённяшняга часу застаецца актуальным. Прапануем вам праверыць свае веды беларускай мовы і пазнаёміцца з асаблівасцямі беларускай гаворкі ў Віцебскім краі (па матэрыялах “Віцебскага краёвага слоўніка”, выдадзенага ў 1927 г. пад рэдакцыяй М.Я. Байкова і прафесара Б.І. Эпімаха-Шыпілы). Паспрабуйце здагадацца, што азначалі гэтыя словы амаль 100 год таму сярод жыхароў Віцебскай губерні. Дзеля спрашчэння задачы пададзены сказы-падказкі (арфаграфія захавана), каб лягчэй было зразумець сэнс слова.