Матулі роднай пакланюся

 Мама - самае лепшае, самае цудоўнае слова на свеце. 3 гэтым словам на вуснах нараджаецца кожны чалавек. Мама... Хто, як не яна, заўсёды клапоціцца пра нас, дае добрыя парады? А ў цяжкую хвіліну абдыме - і на сэрцы стане лягчэй. Каля мамы лёгка і спакойна, час як быццам ідзе павольней, і нікуды не трэба спяшацца. Вобраз маці заўсёды навявае ўспаміны пра яе ласкавыя, пяшчотныя рукі, шчырыя вочы, добрую ўсмешку. Любоў маці самая шчырая...

  Вобраз маці  жыве ў творчасці кожнага вядомага паэта. Гэты вобраз нельга абмінуць, бо ён увасабляе самага дарагога чалавека ў жыцці, бо ён невычарпальны, як і мацярынская любоў, вера і надзея… Як неба, сонца, лес маленства і рачулка юнацтва. Як малая радзіма, што дала пуцёўку ў свет.