Жураўлі клічуць

Каб любіць Беларусь нашу мілую,

Трэба ў розных краях пабываць.

Разумею цяпер, чаму з выраю

Жураўлі на Палессе ляцяць…

            Алесь Ставер

Сусветны дзень жураўля штогод адзначаецца ў другую нядзелю верасня. Восеньскі перыяд - гэта час, калі птушкі алятаюць у вырай.

Журавы заўсёды служылі людзям сімвалам тугі па роднай старонцы. Птушка гэта лічыцца годнай, незалежнай, недасягальнай для чалавека. На мяжы лета і восені, назіраючы за паводзінамі жораваў, прадказвалі надвор’е. Існуюць шматлікія народныя прыкметы, звязаныя з жураўлямі. Безліч фальклорных і літаратурных твораў, якія хоць аднойчы чуў кожны з нас, прысвечаны гэтай птушцы. А мы прапануем вам прайсці невялічкі тэст і адкрыць для сябе некаторыя цікавыя факты, пра якія раней вы не чулі.