Ким да умнуллубат! Туох да умнуллубат!

Ыам ыйын 9 күнэ - Кыайыы күнэ! Быйыл Улуу Кыайыы 79 өрөгөйдөөх сылын дойду үрдүнэн бэлиэтиибит.

Күн дьыл аастаҕын аайы норуот көҥүлүн көмүскээбит ытык кырдьаҕастарбыт, аҕа көлүөнэ дьоммут эйэлээх олоҕу турууласпыт муҥура суох хорсун быһыылара кэнчээри ыччакка үтүө холобур буолан өссө ордук суолталанан, сыаналанан иһэр.

Улуу Кыайыы туһугар 5 сыл кэриҥэ кырыктаах кыргыһыыларга хорсуннук сэриилэспит саха чулуу буойуттарын сырдык ааттара үйэлэргэ умнуллубат!

Кыайыы 79 сылын көрсө "Ким да умнуллубат! Туох да умнуллубат!" куйаар ситиминэн ыытыллар викторинаҕа көхтөөх кыттыыны ылыҥ диэн ыҥырабыт.