Тест - Copy

Meningokokk infeksiyasi — Neisseria meningitidis qo‘zg‘atuvchisi sababli yuzaga keladigan, havo-tomchi yo‘li orqali yuqadigan, klinik jihatdan nazofaringitdan tortib meningit, meningokokksemiya va og‘ir septik-shok holatlarigacha kechishi mumkin bo‘lgan o‘tkir yuqumli kasallikdir.

Kasallik ayniqsa bolalar, o‘smirlar, yoshlar hamda immun tizimi zaif shaxslarda og‘ir kechishi mumkin. Meningokokk infeksiyasining xavfli jihati shundaki, ayrim bemorlarda kasallik juda tez rivojlanib, bir necha soat ichida hayot uchun xavfli holat — infeksion-toksik shok, miya shishi, disseminatsiyalangan tomir ichi ivish sindromi va o‘tkir nafas yoki yurak-qon tomir yetishmovchiligiga olib kelishi mumkin.